I Can Breakthrough
Walang hindi kayang gawin ang Diyos sa buhay mo. Lagi Siyang may solusyon, ano mang pagsubok ang iyong kaharapin at sa iyong patuloy na pagtitiwala sa Kaniya, mas lalo mong makikita na kailanman ay hindi ka Niya bibiguin. Huwag kang mawalan ng pag-asa, kapatid. Walang imposible sa Diyos.
Nais mo bang makalaya mula sa masamang gawain? Naghahanap ka ba ng tutulong sa ‘yo upang magkaroon ng bagong simula? Si Hesus ang sagot sa iyong pangangailangan. Siya ang iyong tagapagligtas at tutulong sa ‘yo na makapagsimula muli sa kabila ng iyong nakaraan. Lumapit ka lamang sa Kaniya at isuko ang iyong buhay.
Lumaki ka ba ng walang magulang o kinikilalang pamilya? Naghahanap ka ba ng pag-ibig na kukumpleto sa iyong buhay? Iwan ka man ng mga taong nakapaligid sa ‘yo, nariyan si Hesus na kailanman ay hindi ka kinalimutan. Lumapit ka lamang sa Kaniya. Yayakapin ka nIya ng Kaniyang wagas na pag-ibig.
Kayang ayusin ng Diyos at palitan ng panibago ang ano mang nasira sa iyong buhay. Hindi Niya hahayaan na malugmok ka sa nakaraan. Lagi Siyang may nakahandang mabuting plano para sa ‘yo. Kaya kung tingin mo ay wala nang pag-asa sa buhay mo, may Diyos na lagi kang tutulungan na makabangon.
Hindi nagbabago ang pag-ibig ng Diyos para sa ‘yo. Ano man ang iyong nakaraan, tanggap ka Niya at tutulungan na makabangon. Kaya’t sa tuwing nakakaranas ka ng kalungkutan sa buhay, lagi mong isipin na may Diyos na minamahal ka nang lubusan.
Gaano man karumi ang iyong nakaraan, mayroong Diyos na handang tumanggap sa 'yo. Kayang balutin ni Hesus ng Kaniyang pagmamahal ang lahat ng iyong pagkakamali at bigyan ka ng panibagong umpisa. Lumapit ka lamang sa Kaniya.
Hindi nakakalimutan ng Diyos ang mga panalangin mo. Nakikita Niya ang iyong puso at sitwasyon kaya't huwag kang mawalan ng pag-asa. Patuloy ka lang kumapit sa Kaniya. Tapat si Hesus sa Kaniyang mga pangako, kapatid. Hindi ka Niya bibiguin.